கல்வி மற்றும் வேலை வாய்ப்பு

உச்ச நீதிமன்றத்தில் மாதம் ₹35,400 சம்பளத்தில் வேலை வாய்ப்பு..! விண்ணப்பிப்பது குறித்த முழு விபரம்..!

Oct 17, 2026 • Just now • 0 Views

உச்ச நீதிமன்றத்தில் 250 ஜூனியர் கோர்ட் அசிஸ்டண்ட் பணியிடங்களை நிரப்ப அறிவிப்பு வெளியாகியுள்ளது. ஏதேனும் ஒரு பாடப்பிரிவில் பட்டப்படிப்பு முடித்தவர்கள் இந்தப் பணிகளுக்கு விண்ணப்பிக்கலாம். மாதம் ரூ.35,400 அடிப்படைச் சம்பளத்துடன் இதர படிகளும் வழங்கப்படும். விண்ணப்பிப்பதற்கான கடைசி நாள் அக்டோபர் 28, 2026 என அறிவிக்கப்பட்டுள்ளது.

டெல்லியில் அமைந்துள்ள உச்ச நீதிமன்றத்தில் காலியாக உள்ள 250 ஜூனியர் கோர்ட் அசிஸ்டண்ட் பணியிடங்கள் இந்த ஆட்சேர்ப்பின் மூலம் நிரப்பப்பட உள்ளன. அங்கீகரிக்கப்பட்ட கல்வி நிறுவனத்தில் ஏதேனும் ஒரு பாடப்பிரிவில் பட்டப்படிப்பு முடித்திருக்க வேண்டும். மேலும், கணினி இயக்கும் திறனுடன் நிமிடத்திற்கு 35 ஆங்கில வார்த்தைகள் தட்டச்சு செய்யும் திறனும் அவசியம்.

விண்ணப்பதாரர்கள் 2026 ஜூலை 1ஆம் தேதி நிலவரப்படி 18 வயது பூர்த்தியடைந்தவராகவும், 30 வயதுக்கு உட்பட்டவராகவும் இருக்க வேண்டும். அரசு விதிகளின்படி வயது வரம்பில் தளர்வுகள் வழங்கப்படும். எஸ்சி, எஸ்டி பிரிவினருக்கு 5 ஆண்டுகள், ஓபிசி பிரிவினருக்கு 3 ஆண்டுகள், பொதுப்பிரிவு மாற்றுத்திறனாளிகளுக்கு 10 ஆண்டுகள் வயது வரம்பில் சலுகை வழங்கப்படும். தகுதியானவர்கள் விண்ணப்பிக்கலாம்.

தேர்வு முறையைப் பொறுத்தவரை, கொள்குறி வகையிலான எழுத்துத் தேர்வு மற்றும் நேர்முகத் தேர்வு நடைபெறும். பொது அறிவு, பொது திறனறிவு, உச்ச நீதிமன்ற விதிகள், கணினி அறிவு மற்றும் ஆங்கிலம் தொடர்பான கேள்விகள் எழுத்துத் தேர்வில் இடம்பெறும். தேர்வு மையங்களாகத் தமிழ்நாட்டில் சென்னை, கோவை, மதுரை, சேலம், திருச்சி, திருநெல்வேலி ஆகிய நகரங்கள் அறிவிக்கப்பட்டுள்ளன.

இந்தப் பணிக்கு மாதம் ரூ.35,400 அடிப்படைச் சம்பளத்துடன் இதர படிகளும் வழங்கப்படும். விண்ணப்பக் கட்டணமாகப் பொதுப் பிரிவினர் ரூ.1,500 செலுத்த வேண்டும்; எஸ்சி, எஸ்டி பிரிவினருக்கு ரூ.750 கட்டணம் நிர்ணயிக்கப்பட்டுள்ளது. ஆர்வமும் தகுதியும் உள்ளவர்கள் உச்ச நீதிமன்றத்தின் அதிகாரப்பூர்வ ஆட்சேர்ப்பு அறிவிப்பில் குறிப்பிடப்பட்டுள்ள வழிமுறைகளைப் பின்பற்றி, அக்டோபர் 28, 2026க்குள் விண்ணப்பிக்க வேண்டும்.

இந்திய ரயில்வேயில் 3,548 பணியிடங்கள்... விண்ணப்பிக்கும் எ...