ஜூலை மாதம் தொடங்குவதுடன், பொதுமக்களின் அன்றாட செலவையும் நிதி திட்டமிடலையும் பாதிக்கும் பல முக்கிய மாற்றங்கள் அமலுக்கு வர உள்ளன.
ஒவ்வொரு மாதத் தொடக்கத்திலும் சில முக்கிய நிதி மற்றும் நிர்வாக விதிமுறைகள் மாற்றம் அடைவது வழக்கம். மேலும், ஜூலை 1 முதல் பொதுமக்களின் அன்றாட வாழ்க்கையையும் செலவுத் திட்டத்தையும் பாதிக்கக்கூடிய பல மாற்றங்கள் அமலுக்கு வர உள்ளன. ஆதார் புதுப்பிப்பு முதல் எரிவாயு விலை வரை பல துறைகளில் இந்த மாற்றங்கள் எதிரொலிக்கவுள்ளன.
இந்திய தனித்துவ அடையாள ஆணையம் (UIDAI), மின்னஞ்சல் முகவரி புதுப்பிப்புக்காக வசூலிக்கப்பட்டு வந்த கட்டணத்தை தற்காலிகமாக ரத்து செய்வதாகவும், இலவசமாக மின்னஞ்சல் புதுப்பிக்கும் சேவை ஜூலை 1 முதல் அமலுக்கு வரும் என்றும் தகவல் வெளியாகி உள்ளது. குறிப்பாக இலவசமாக மின்னஞ்சல் முகவரியை புதுப்பிக்கும் சேவை அடுத்த 6 மாதங்கள் வரை தொடரும் என்று தகவல் தெரிவிக்கப்பட்டுள்ளது. இதன் மூலம் ஆதார் அட்டைதாரர்கள் சேவை மையங்களுக்குச் செல்ல வேண்டிய அவசியமின்றி, வீட்டிலிருந்தபடியே தங்களது மொபைல் போன் மூலம் மின்னஞ்சல் முகவரியை எளிதாகப் புதுப்பித்துக் கொள்ளலாம்.
சர்வதேச சந்தை நிலவரத்தின் அடிப்படையில் ஜூலை 1 முதல் வணிக எரிவாயு, இயற்கை எரிவாயு மற்றும் விமான எரிபொருள் விலைகளிலும் மாற்றம் ஏற்பட வாய்ப்பு இருப்பதாக எதிர்பார்க்கப்படுகிறது. இதனால் சாமானிய மக்கள் சிக்கலை சந்திக்க நேரிடலாம். ஏற்கனவே போர் பதற்றத்தால் பெட்ரோல், டீசல், சிலிண்டர் விலை தாறுமாறாக உயர்ந்து வரும் நிலையில் ஜூலை மாதம் வரும் மாற்றம் மக்களிடையே அதிர்ச்சியை கிளப்பலாம்.
ஜூலை முதல் சில வங்கி கிரெடிட் கார்டுகளுக்கான சலுகை விதிமுறைகளும் மாற்றப்படுகின்றன. குறிப்பிட்ட அளவு செலவினை மேற்கொண்ட வாடிக்கையாளர்களுக்கே சில சிறப்பு பயண வசதிகள் தொடரும். இதனால், கிரெடிட் கார்டைப் பயன்படுத்துபவர்கள் புதிய விதிகளை முன்கூட்டியே தெரிந்துகொள்வது முக்கியமாகும்.
ஜூலை மாத வாரந்திர விடுமுறைகள் மற்றும் மாநில வாரியான பண்டிகைகள் காரணமாக பல நாட்கள் வங்கிகள் இயங்காது. எனவே பணப் பரிவர்த்தனை, காசோலை, வங்கி சேவைகள் போன்றவற்றை முன்கூட்டியே திட்டமிடுவது அவசியம். ஜூலை 1 முதல் அமலாகும் இந்த மாற்றங்கள், பொதுமக்களின் அன்றாட நிதி நடவடிக்கைகளால் நேரடி தாக்கத்தை ஏற்படுத்தக்கூடியவை என்பதால், முன்கூட்டியே தெரிந்துகொண்டு செயல்படுவது புத்திசாலித்தனமான முடிவாக இருக்கும்.
இந்த வாரம் SBI உட்பட பல வங்கிகள் மூன்று நாட்கள் இயங்காது.. RBI வெளியிட்ட விடுமுறை பட்டியல் இதோ!
ITR 2026 FAQ: விதிகள், காலக்கெடு மற்றும் சந்தேகங்களுக்கான தெளிவான விளக்கங்கள்! உங்கள் சந்தேகங்களுக்கான வழிகாட்டி
'வந்தே பாரத்' ரயிலின் உண்மையான பெயர் என்ன தெரியுமா? பலருக்கும் தெரியாத தகவல்!
பெங்களூருவில் 'மெகா டீல்' செய்த டிமார்ட்: ரூ. 106 கோடியில் பிரம்மாண்ட கட்டிடத்தை வாங்கியிருக்காங்க!
ஏர் இந்தியா, உள்நாட்டுப் பயணங்களில் எகானமி வகுப்பில் வாடிக்கையாளர்களின் தேர்வுகளை விரிவுபடுத்தும் வகையில் 'பேசிக்' கட்டண விருப்பத்தை அறிமுகப்படுத்தியுள்ளது.
சென்னையில் இருந்து இயக்கப்படும் விமானங்களின் எண்ணிக்கை குறைப்பு.. பயணிகள் அவதி.. என்ன காரணம் தெரியுமா?
நிலத்தடி நீர் மாசுபாடு விவகாரத்தில் சிக்கிய டாடா ஐஃபோன்.. ஓசூர் தொழிற்சாலை மூடப்படும் அபாயம்.. என்னதான் நடக்குது?
3 மாதங்களில் இல்லாத அளவுக்கு சரிந்த கச்சா எண்ணெய் விலை....
13 ஆண்டுகளுக்கு பிறகு ... ரிசர்வ் வங்கி கொடுத்த ஜாக்பாட் ... செப்டம்பர் 30-க்குள் முதலீடு செய்தால் 20% வரை வட்டி | FCNR B Account
