பொது செய்திகள்

யுபிஐ வணிகப் பரிவர்த்தனைக்கு கட்டணம் விதிக்கும் நடைமுறை : ஜனவரிக்கு தள்ளிப்போகிறதா?

Oct 08, 2026 • Just now • 0 Views

யுபிஐ வணிகப் பரிவர்த்தனைக்கு கட்டணம் விதிக்கும் நடைமுறை ஜனவரி மாதத்திற்கு தள்ளிப்போக வாய்ப்புள்ளதாக தகவல் வெளியாகியுள்ளது.

இரண்டாயிரம் ரூபாய்க்கும் அதிகமான யுபிஐ வணிகப் பரிவர்த்தனைக்கு பூஜ்ஜியம் புள்ளி நான்கு சதவீதம் வசூலிக்க முடிவு செய்யப்பட்டு, இந்த MDR கட்டண நடைமுறை வரும் 15-ஆம் தேதி முதல் அமல்படுத்தப்படும் என National Payments Corporation of India ஏற்கனவே அறிவித்திருந்தது.

இந்நிலையில், கட்டண விகிதங்கள், அவற்றின் பயன்பாடுகள் குறித்த குழப்பம் நீடிப்பதாகவும், கட்டணம் விதிப்பதை அமல்படுத்துவதற்கான காலக்கெடு மிகக் குறைவாக இருப்பதாகவும் National Payments Corporation of Indiaவிடம் வணிகர் சங்கங்கள் மற்றும் நிதி சார்ந்த தொழில்நுட்ப நிறுவனங்கள் தெரிவித்ததாக கூறப்படுகிறது.

இதனாலும், ஆயுத பூஜை, தீபாவளி என அடுத்தடுத்து பண்டிகைகள் வருவதாலும் கட்டண நடைமுறையை ஒத்திவைக்க ஆலோசனை நடைபெறுவதாக கூறப்படுகிறது. வரும் 15-ஆம் தேதிக்குப் பதிலாக வரும் ஜனவரி மாதம் முதல் கட்டணம் வசூலிக்க நேஷனல் பேமென்ட்ஸ் கார்பரேசன் ஆப் இந்தியா பரிசீலித்து வருவதாகவும் தகவல் வெளியாகியுள்ளது.

இதுகுறித்த அறிவிப்பு அடுத்த 2 நாட்களில் வெளியாகும் என எதிர்பார்க்கப்படுகிறது.

வங்கி வேலைநிறுத்தம் ரத்து : எடுக்கப்பட்ட முக்கிய முடிவுகள...