பொருளாதாரம்

Tomato Price | வரத்து குறைவால் தக்காளி விலை கடும் சரிவு.. ஒரு கிலோ எவ்வளவு தெரியுமா..?

Jul 25, 2026 • 25 Jul 2026 • 0 Views

கிருஷ்ணகிரி மாவட்டத்தில் தக்காளி வரத்து அதிகரித்துள்ளதால் விலை கடுமையாக சரிந்துள்ளது. இதன் காரணமாக சாகுபடிக்காக அதிக முதலீடு செய்த விவசாயிகள் பெரும் நஷ்டத்தை சந்தித்து வருவதாக வேதனை தெரிவித்துள்ளனர்.

கிருஷ்ணகிரி மாவட்டத்தின் சூளகிரி, ராயக்கோட்டை, கெலமங்கலம், தேன்கனிக்கோட்டை, பேரிகை உள்ளிட்ட பகுதிகளில் தக்காளி சாகுபடி பரவலாக நடைபெற்று வருகிறது. எல்நினோ பருவநிலை மாற்றத்தால் நீர் பற்றாக்குறை ஏற்படக்கூடும் என்ற தகவலையடுத்து, குறுகிய காலத்தில் மகசூல் தரும் பயிராக கருதி ஏராளமான விவசாயிகள் தக்காளி சாகுபடியில் ஈடுபட்டனர். எதிர்பார்த்ததை விட போதிய நீர் கிடைத்ததால் தக்காளி செடிகள் நன்றாக வளர்ந்து, தற்போது அதிகளவில் விளைச்சல் கிடைத்து வருகிறது.

இந்த நிலையில், சூளகிரி மற்றும் ராயக்கோட்டை மார்க்கெட்டுகளுக்கு ஒரே நேரத்தில் அதிக அளவில் தக்காளி வரத்து ஏற்பட்டதால் விலை கடுமையாக சரிந்துள்ளது. தற்போது ஒரு கிலோ தக்காளி ரூ.10-க்கும், 25 கிலோ கொண்ட ஒரு கிரேட் ரூ.200-க்கும் விற்பனை செய்யப்படுகிறது. சில்லறை விற்பனையாளர்கள் பொதுமக்களை கவரும் வகையில் "5 கிலோ ரூ.50" என்ற விலையில் தெருவோரங்களில் விற்பனை செய்து வருகின்றனர்.

தக்காளி சாகுபடிக்காக விதை, உரம், பூச்சிக்கொல்லி மருந்து, நீர்ப்பாசனம், கூலி தொழிலாளர்கள் உள்ளிட்ட செலவுகள் தொடர்ந்து அதிகரித்து வரும் நிலையில், தற்போது கிடைக்கும் விலை உற்பத்திச் செலவைக் கூட ஈடுகட்ட முடியாத நிலை ஏற்பட்டுள்ளதாக விவசாயிகள் கவலை தெரிவிக்கின்றனர்.

LPG Cylinder | இனி இந்த வீடுகளுக்கு சிலிண்டர் கிடையாது.. ...

செப்டம்பர் 15 முதல்... சர்க்கரையை 30 நாட்களுக்கு மேல் இரு...